“阿媽...我上左車返緊黎...XX點返到LA…”近2年每日放工都會打返去同阿媽講...
同事A有個7歲大既大眼仔仔...放左學之後事冇大小都會打黎同媽媽講...電話响唔停...公司/手提/公司/手提...一直打直至阿媽聽到電話為止...
“媽媽...我放學返到屋企LA…而家等姐姐開飯...”
“媽媽...我做完功課LA…我想睇電話...”
“媽媽...我想跟姐姐落街買野食...”
“媽媽.......”
雖然好乖仔...但事實上開緊工成日都收到屋企人電話...唔多唔少有D阻阻地...心情不爽既時候會有D火...
後黎同我地講起...我就話”而家個仔乜野都同你講...某程度上你會覺得佢煩...但當佢大個左...你想佢同你講多句都難”...
或者係自己成長既經歷...由細到大總唔鍾意同屋企人報告行蹤...愈問愈唔講...結果攪到關係薑化...
反而出完去返返屋企之後...會自動自覺同屋企人講...人大左佢地都再阻止唔到...通知一聲起碼唔洗佢地夜麻麻等你門...
今日點計都因為”巨爵”出現賺左半日...返到公司都未坐暖又夠鐘食飯...
密密做密密做...突然間聽到同事講起主觀既問題...忡爆左一句”我係唔鐘意日本仔!錯又唔肯認...除非佢向中國人道歉la…
嘩嘩!...我即時同前後座同事講...你地間唔中要留意下我呀...
同事問我點解？...我話呢期同事既民族意識好強...而我呢期又超迷木村...假若有日佢著左火...見到我呢件”反骨妹”...仲唔掃底我...
近日我舊病復發...同類型病毒6年前中過一次...當時攪到冇覺好瞓...朋友斷症為”吳彥祖毒”
今次病毒幾種...毒性強邁延速度快...這星期攪得我每日只瞓4個鐘...更需要做”自我隔離”...診斷後確診為”木村毒”!
講起我既病情...朋水既反應都幾一致...”係呀...真係好毒家...以前都中過~,~...冇藥食唯一方法就係等佢自然好...”
這12日我已經食左3劑藥...”good luck”.”hero”.”pride”...
服藥期間有純天然抗眼瞓效用...但為左返工迫住要上床瞓覺個時會出現一種”失落”既感覺...
每服完一劑藥...”滿足”既感覺由心底而發...
明知繼續落去會因為唔夠瞓令2邊面頰爆出大大小小既瘡瘡、黑眼圈既黑色素激增...但係心癮起...真係好難頂...
唉...”戒毒”決心遙遙無期...呢舖死緊!
本來約左BRIAN食飯...點知佢畀老細捉住唔放人...唯有取消...下次再約過...
飯局取消...轉左去家樂GREEN BOX同六月壽星阿辰&CONNIE慶祝生日...佢地咁幫我補祝埋生日添...哈哈...
今次除左有新朋友到場之外...隔離房仲走左2個”黑妹”過黎呃酒飲...過份!
影左好多相...仲愈影愈興奮
聽日要返工...2點幾走人返到屋企UPLOAD埋相....唉...又攪到4點幾至爬上床...倦...
究竟”霜花店”係乜野戲...我到入場個一刻都唔太清楚...
百幾分鐘過後...哈...除左我覺得節奏慢過頭之外...又幾好睇家wor…同時再一次証明...我可以去睇打打殺殺既戲...但身體自殘或者係一d皮肉酷刑...我真係頂唔緊(“原罪犯”...向完成冇心理準備之下睇完...結果我整日食乜嘔乜...好可怕)...所以呢如果有呢d戲份既戲...都係同男仔去睇會好d…至少可以捉住隔離隻手臂...>,<
之後走左去葵芳行街...行左好耐呀...樣樣野都好平但此終都冇買到...行到腳仔軟之際...走左入間手飾舖...仲一口氣買左4對耳環...haaaaaa…其實仲有好幾對都想買...不過好似又過份左少少...算la…下次買黎過...hee
臨走前去左泡飯媽媽醫肚...
女人果然行街大過天...肚餓都唔知...哈哈...